Kumin May thla tira Manipur-a tribal leh Meitei inkara buaina chhuah hnua din, Zohnahthlak hnam hrang hrang telna Indigenous Tribal Leaders’ Forum (ITLF) chuan Mizoram chief minister thurawn angin Union Home minister Amit Shah an hmu dawn.
Thudawn danin ITLF hruaitute hian Pathianni khan Lamka atangin Aizawl an pan a, Aizawl atangin Delhi an pan leh ang.
August 5 khan Union Home minister Amit Shah chuan Manipura Indigenous Tribal Leaders’ Forum (ITLF) hruaitute chu Delhi-ah inbiakna neihpui a duh thu hriattirin, ITLF hruaitute hi an thukhawm nghal a. Mizoram CM Zoramthanga thurawn an lak hnu ah, vawiin – August 7 hian Union Home minister hi biak an remti ta a ni.
ITLF hian Union Home minister sawmna hi uluk taka ngaihtuahin, venthawn ruk pawh an nei a. Thutlukna khirhkhan tak a nih avangin, Pu Zoramthanga pawh hi an rawn a. A ni hian Home minister meuh sawmna chu kal ngei tha a tih thu leh hmaichhanah engkim sawipuina hun tha tak a nih thu in a lo rawn a ni.
Tribal aiawhten Union HM hmu dawn
