Mizoram sorkarin tuialhtheiah cess a la a, hei hi a tam tham hle. Thla khatah cheng vaibelchhe 25 chuang a lut thei a, GST a tlakhniam phei chuan Mizoram sorkar sum hnar pawimawh a tling ang.
April thla chhung khan social infrastructure & services bikah cess hi tuialhtheiah Rs 12,51,46,231 Mizoram sorkarin a hmu a, road maintenance-ah Rs 12,51,46,232 a hmu. Tuialhthei atanga thla khat chhunga cess hmuh hi a vaiin Rs 25,02,92,463 a ni.
Tuialhtheia cess lak hi 2024 September-ah an tan a, September ni 1-ah petrol leh diesel mante Rs 4 ve vea tihsan niin, Rs 2 chu social infrastructure & services-ah, Rs 2 dang chu road maintenance-ah a lut.
2024-ah cess hi lak tan a ni a, a kum khatna 2024-25 khan social infrastructure & services-ah Rs 13,25,12,578 hmuh niin, road maintenance-ah Rs 13,25,12,578 bawk hmuh a ni.
Financial year liam ta 2025-26 khan social infrastructure & services-ah leh road maintenance-ah Rs 45,65,46,042 ve ve hmuh a ni.
Tuialthei atanga cess lut tawh hi a vaiin Rs 1,42,84,09,703 a ni.
Tun hnaiah tuialhthei man a pung a, May ni 19, ni 23 leh ni 25 te kha a man hi tihpun a ni. SA leh Israe tang dunin Iran an do a, hei hian khawvel hmun hrang hrangah tuialhthei, aluminium leh fertilizer lama sumdawnna a nghawng vangin hmun hrang hrangah tuialhthei man hi a pung a ni. Mizoramah chuan a man hi a pung na a, tuialthei hi a vang lo, lei tur a awm reng.
Tuialhtheiah thla khatah cheng vaibelchhe 25 chuang
