Africa khawmualpuia awm Niger ram chuan ruahsur nasa avanga tuilian an tawrh nasat avangin school naupangte school luh hun chu thla khatin an sawn tlai.
Sorkar chuan school tam tak chu tuilianin a chim a, thenkhat chu a kalkawngah tuilian a awm bawk a, hei vang hian hawn mai theih a la ni rih lo, a ti.
Hetianga ruahsur nasa leh tuilian an tawrh nasat avang hian an school naupangte school kal leh hun chu a ni tak la tarlang chuang lovin, October ni 2 atanga ni 28 inkar nise an ti ta tawp a ni.
Africa khawmualpuia awm tho Mali leh Nigeria, Niger ram thenawma awmte nen hian tuilian an tuar nasa zual hle a, kum 30 chhunga tuilen nasat ber a ni, an ti hial.
Tui a len nasat avang hian hri leng leh ei leh in kawngah harsatna an tawk nasa hle a, naupangte ngat phei chu ngaihtuah ngai zual an nih avangin school an chawlh chhung pawh hi la tihsei a tul mai thei niin an sawi bawk.
Tuilian nasa vangin Niger ramin school luh hun sawn
