Mizoram kawngpui pawimawh National Highway 306 a chhiat avangin mipuiin harsatna an tawk thin a, tun hnai teah he kawng chhia hi a zia tih thu dawn a ni.
National Highway 306-ah hian Sairang leh Khamrang inkar chhia a lar zual a, lirthei tan nasatna pawh a ni. Sairang leh Khamrang inkar kawng hi a zia a, lirthei tang intlar pawh a awm tawh rih lo.
Mizoram Truck Drivers Association (MTDA) hruaitute pawhin Sairang leh Khamrang inkar kawng hi a zia tih an sawi a, hna pawh a hma aiin a siamtute’n an thawk nasa tih an sawi.
“Kawng a zia a, lirthei tang leh tlu pawh a awm rih lo a. Tluang takin kan tlan thei a, kan lawm khawp mai,” MTDA hruaitu pakhat chuan a ti.
Kar hmasa Zirtawpni khan MTDA hruaitute leh Mizoram Truck Owners Association (MTOA) hruaitute’n Sairang leh Khamrang inkar kawng hi an en a, hei hian awmzia a neiah an ngai.
“Dt 25th Oct, 2025 thleng kan ngaichang ang a, hmalakna lian tham kan hmuh loh chuan NHIDCL chungah eng pawh thleng se sawi theih kan nei lo,” tiin a hmain MTOA leh MTDA hian thuchhuah an lo siam a, chumi hnua tlawh chu an ni. MTDA hruaitute chuan an thuchhuah leh a hmuna an kal hian awmzia a neiah an ngai a, NHIDCL pawh an tang ve nia an hriat thu an sawi.
“Hnathawk pawh a hma aiin an tam tawh a, kawng khuarte pawh an lo hnawh a, ruah a sur lo bawk nen, kawng a zia rih e,” MTDA hruaitute chuan an ti.
“Mahse a khuar lai hnawh ringawt hi kan duh a ni lo a, black top kan duh a, chu chu NHIDCL hian min tiam a, nakkum March thlaah chuan black top hi zawh hman an tum thu an sawi,” an ti bawk.
Tun hnaiah kawng a zia
