BY Lalhruaitluanga Bawitlung
Mizoram sum dinhmun kha Congress sorkarin theihtawpin kan siam tha, tuna kan hrawn lai mek MNF sorkar ang hian a tichhetu ni lovin duhthusam ni lo mah se a siam thatu nih kan tum a ni. Pu Lalsawta’n Mizoram sum a enkawl lai khan Mizoram sum indaihlohna hian harsatna a thlen ve ngai loh avangin tun ang hian sorkar hnathawk ten hlawh lak theih loh avangte leh GPF withdraw lamah harsatna an tawk ve ngai lova pensioner ten an pension chhuahpui tur pawisa a hun takah an dawng thin a, damlo ten a hun takah Mizoram Health Care kaltlangin MR bill an dawng thin a, Congress sorkar liamta khan MNF sorkar hi Cheng Nuaih 70,000 zet a hnutchhiah nghe nghe a ni.
Sum indaih lohna (Fiscal Deficit) avanga a hlauhawm chin Finance Commission lama kan mithiamten an tih 3% kha Congress sorkar khan Mizoram sum dinhmun te siamtha in kan pel ngai lova kan sorkar term hnihna zawk ah phei kha chuan a hlauhawm chin chanve kum 2017 leh 2018 te khan Cheng Vaibelchhe 320.22 (1.81%) & Cheng Vaibelchhe 352 (1.51%) ah a awm a sum amaheherawhchu sawi tawh angin a hlauhawm chin chanve lek anih avangin a tlem lutuk a sum indaih lohna avangin harsatna kan tawk ve ngai lo a ni, kum 2015 leh 2016 phei kha chuan budget chuang bang (Fiscal Surplus) Cheng Vaibelchhe 413.29 leh 251.95 kan nei hial a nih kha. Amaherawhchu sum indaihlohna (Fiscal Deficit) avanga harsatna Mizoram hian MNF in kum khat lek sorkarna an chelh hnu atangin kan tawk nghal a, a hlauhawm chin an tih 3% chu kum 2019 khan a pel nghal a, Cheng Vaibelchhe 1223.63 (4.62%) ah kai chho nghalin kum 2020 ah phei chuan a hlauhawm chin let thawk aia tam Cheng Vaibelchhe 1869.31 (6.43%) ah a pungchho dawrh a, 2021 an Cheng Vaibelchhe 1757 (5.2%) ah beisei ani a, kum 2023 ah hian a tha thei ang ber beisei pawhin a hlauhawm chin aia tam Cheng Vaibelchhe 1247.20 (3.47%) a la ni thova hei pawh hi an inchhut aiin sum indaih lohna hmun dang atanga an puk tum hi a pung ngei dawn a, kum 2022-23 chhung khan Fiscal Deficit hi chhut lawk ang chuan Cheng Vaibelchhe 1210.44 a ni a amaherawhchu chhut lawk aiin a let dawnin a pungchhova Sawrkar kum 2022-23 a tawp meuh chuan Cheng Vaibelchhe 2101.84(RE) ah teh meuh a pung chho. Entirnan, nikum 2022-23 khan Fiscal Deficit BE zat hi Cheng Vaibelchhe 1210.44 a ni a amaherawhchu a kum leh 2023-a ennawn a nih hnu (RE) ah chuan Cheng Vaibelchhe 2101.84 niin a let dawn in a pung daih a ni chuvangin hetiang hi MNF sawrkar sum enkawl thiam loh zia ania chuvangin sawrkar kum 2023 a Fiscal Deficit hi kum a tawp meuh chuan Cheng Vaibelchhe 2500 pawh thleng chho se a mak lovang amaherawhchu a sawhkhawk chu a na khawp dawn, sum inrenchem lohna avangin hetiang hian Mizoram in harsatna namenlo kan tawk a ni.
MNF hruaitute hian tun sum avanga Mizoram in kan buaina chungchangah hian mipui ngaihtuahna kaihpen an tum thin a. Mipui rilru chawh buai nan eng eng emaw hmanrua an hmang thin.
MNF sawrkar hi leiba ringawt in a kal a, engmah hnam rotling hmasawnna lamah an thawh sawi tur hriat si loh chung hian MNF Sawrkar kum tan tirh 2019 kum tawp khan Mizoram leiba hi Cheng Vaibelchhe 8671.79 ah pung chho nghal dawrh in, 2023 hian Mizoram leiba chu mithiamte chhut danin Cheng Vaibelchhe 13,584.80(BE) a ni a, state kan nih hnu kum 32 chhunga Mizoram leiba tlingkhawm aiin MNF sawrkar hnu kum 4 (li) lek chhungin a let dawn Cheng Vaibelchhe 6269.25 (85.69%) teh meuh in a pungchho tawh a, leiba ngah leh ngah lo an sawina a tehfung pawimawh tak pakhat sum thawhchhuah atanga leiba neih zat (GSDP to Total Liabilities) atanga chhut phei chuan Mizoram hi India rama leiba nei hnem ber niin 53.1% lai a ni(Congress sawrkar ah khan MNF sawrkar atanga an rochun 103% kha 34.19%(BE) ah an ti hniam hman a ni. Tunah phei chuan kan sawrkar hian a mamawh zat phuhhrukna tur khawp leibatna tur pawh a hmu zo tawh lo chu a nih hi!!