Turkey in a mite hruai haw

Turkey chuan a mi leh sate Lebanon atanga hruai haw hnathawkin, nimin khan mi 2000 chuangin Turkey an pan.
Nilainia Turkey in a mi leh sa Lebanon atanga a hruai haw hi tunhnaia an ram buai avanga mi leh sa hruai hawna lian ber a nih thu Beirut chuan a sawi.
Turkish thuneitute sawi danin, Lebanon-a an mi leh sate hi venhimna khauh tak hnuaiah Lawng hmangin an hruai haw a, tukin zingkar khan an ram leilung an thlen hman an ring.
Lebanon-ah hian Turkey mi leh sa an tam hle a, chhinchhiah theih chin ringawt pawh 14,000 chuang an nih thu Lebanon a Turkey ambassador Ali Baris Ulusoy chuan a sawi.
Turkey sorkar hian an mipuite chu him taka an awm an duh thu an sawi a, a tul ang zela hruai haw hna pawh hi thawh zel a nih tur thu leh, tun tuma mi hi chu a enchhinna ang lek a la nih thu sawiin, Turkey chuan a tul danin a thawk nghal zel ang, an ti.