United Kingdom (UK) chuan summer boruak lum tak an tawrh tawp dawn hnaiah ruahtui thahnem tak an dawng nghal a, hei hian hmun thenkhatah inkalpawhna a tibuai pha hial.
Ruahsur hian inrinni atang khan UK ram pumpui deuh thaw a luhchilh nghal a, England ram laili leh Wales ramah ruah hi tam zualin, khawpui leh tek tla an tuar nasa hle bawk.
Khawlaiah tuihawk a luang nasa hle a, hei hian lirthei khalhtute tibuaiin, hmun thenkhatah phei chuan traffic a tibuai pha lek lek niin an sawi bawk. Intihhlimna hmun thenkhat hawn theih loh leh a hun sawn ngai a awm phah bawk a, ruahtui hi an dawng tam hle nia sawi a ni.
Khawchin thlirtute chuan inrinni atanga ruahsur tan hian tunkar tluan a awh theih mai an ring hlawm a, ruahtui tam lutuk erawh a awm tawh rih lo hret hretin an ring.
UK in khawlum boruak tawp lamah ruahtui tam tak an dawng nghal
