Idaho khaw pa tih tawh chuan David Rush hming a rawn lang nghal a, David Rush sawi tawh chuan Guinness World Records nen a inzawm leh nghal zat bawk a. |um khata Guinness World Record title kawl hnem ber record siam mektu David Rush chuan record a siam belh leh ta a, tun tuma a record siam chu unicycle a chuang chunga meilah juggling record a ni.
Unicycle hi thirsakawr ke khat nei a ni a, a khalhtu thutna tur a awm a, thirsakawr rah kalna ang pedal a nei bawk a, a herhkawina tur steering a nei hranpa tawh lo. Hetianga chuang chung hian meichher alh lai a juggling a, vawi 175 a juggling thei a, Guinness World Record a siam ta a ni. A hmaa hetiang record chu vawi 37 juggling a ni a, Rush hian a rawn khum chiang hle a ni.
Unicycle khalh ngai bawk, meichher juggling ngai bawk, thil awlai tak a ni dawn lo, unicycle balance a ngai a, a tlankual reng loh chuan che lova ding reng thei a ni lo va, chumi paha meichher juggling intihpalh te pawh awl tak tur a ni a, David Rush pawh hian a mithmul te a tikang deuh thawt nghe nghe a ni.
Unicycle khalh a meichher juggling record
