Bicycle an ti a, keinin thirsakawr kan ti a, ke hnih a nei. A ke khat chauh nai chi an siam chhuak leh a unicycle an ti leh mai a, keini pawhin thirsakawr ke khat nei kan ti ve leh mai. Thirsakawr aiin khalh a har zawk fê dawn a, chutiang thirsakawr ke khat nei chu thalai tam zawk pawhin kan khalh thiam loh tur a nih laiin pitar kum 69 mi, hetiang ke khat nei thirsakawr la khalh hnehsawh tak mai a awm a, Guinness World Records-in hmeichhe zinga unicycle khalh thei upa berah an puang.
A hming chu Linda Jarrett a ni a, USA a cheng a ni, circus a tel a ni a, hmeichhe naupang kum 13 mi lek a nih lai atangin frrt ruk a sang unicycle khalhin an veng kawngpuiah te chuan a leu zek zek tawh, tichuan kum 60 dawn a vei hnuah pawh a la kalh ta reng.
A hming lemah pawh “Unicycle Granny” tihte an phuahsak a, nikum December thla khan Lindsay, California-ah The Nutcrackerproduction tan thirsakawr ke khat nei khalhin, stage-ah a la inlan thei a, chutih lai chuan kum 69 leh ni 189 a upa a ni tawh a, Guinness World Record-in hmeichhe zinga unicycle rider upa berah a puang ta a ni.
Unicycle khalh thei upa ber
