Manchester United chuan an ban tak Reuben Amorim hmunruak luahtu atan an midfielder hlui Michael Carrick an la lut.
Michael Carrick hian tun season chhung chu a club hlui Manchester United hi a enkawl rih ang a. Manager nghet niin a enkawl chhunzawm thei ang em tih erawh a la hriat loh. Carrick hian thlachhangdawltu atan England assist manager hlui Steve Holland a hmang dawn a. United player hlui Jonathan Woodgate, Jonny Evan leh Travis Binnion te pawh a staff zingah an tel dawn bawk. Carrick hian hmabak hautak zet mai a nei nghal dawn a, Inrinni zan khian an elpui lian Manchester City an hmachhawn zui nghal zat dawn. Ciy hmachhawna bul tan hi thil chakawm lo tak a ni ngei ang.
Carrick hian kum 2021 khan Ole Gunnar Solskjaer hmunruak a lo luah zuai tawh a, United hi game li chhung a lo kaihruai ve tawh. Hun rei zawk a club hlui hi a enkawl dawn ta a ni a, a that tawk ziah fiahna hun tha a nei dawn a, United chetthat pui ngei a tum ang.
United enkawltu tur Carrick
