Manchester United chuan kum 2023-a Atalanta atanga an sengluh Denmark striker Rasmus Hojlund kha pound maktaduai 30-in an zuar!
Karliamta Nilaini khan pre-season inbuatsaihna match pakhatah Hojlund hian Chicago khawpuiah Red Devils tan Bournemouth lakah goal hnih a khung a; inkhelh banah amah bawrtu chanchinbumite hmaah Old Trafford-a cham zui a duh thu sawi mah se United hian RB Leipzig tana khel mek Slovenia forward Benjamin Sesko lei an la tum tlat avangin zawrh lai a nih a ngai chhunzawm.
Newcastle United pawhin Sesko hi ngaihven ve reng mah se RB Leipzig nen kum 22 mi chungchangah hian inremna an la puitlin thei bik lo.
Manchester United hian Sesko an chang thei a nih chuan Hojlund hi hralhchhuah an tum nghet zual dawn niin a lang a; pound maktaduai 30-a Denmark striker an thei a nih chuan a contract neih laia kum hnih hmabak la nei he Scandinavian forward hlutna anga chhut (£43) atangin an hloh duai dawn tihna a ni ang!
United hian tun nipui insuan hun chhung hian Bryan Mbeumo leh Matheus Cunha-t eleina manah ringawt pound maktaduai 130 dawn an seng ral tawh!
United striker Hojlund manah £30m an chhiar
