Sujabad Domari, Vanarasi, Uttar Pradesh-ah chuan niminpiah khan ‘Mega Plantation Drive’ neiin, darkar khat chhungin thing tiak 2,51,446 an phun hman a, Guinness World Record an siam. A hmaa darkar khat chhunga thing tiak phun tam record cu kum riat kalta a China-a an siam a ni a, March ni 10, 2018 khan China-a Henan Provincial Committee leh Henan Shifange Greening Engineering Company te chuan darkar khata thing tiak 1,53,981 phunin record an siam a, he record hi UP-ah hian an rawn khum ta a ni.
UP-a record siamna hi Guinness World Records adjudicator Rishinath leh World Record strategist Nischal Barot ten an endik a, drone camera bakah tunlai thiamna digital counting system hmanga an endik hnuah record an siam thu hi an puang ta a ni.
He thing tiak phunna hi sector 60-ah an then a, sector tin hian hming an nei theuh a, sector tinah hian thing tiak 4,000 chuang an phun zel a, an thingphun pawh hi native spices chi 27 niin, chung bakah chuan Teak leh mau bakah thei rah chi, theihai, kawlthei, thingfanghma leh medicinal plant te an phun tel bawk.
Record siamnaah hian Indian Army bakah NDRF, CRPF, Civil Defence leh Provincial Armed Constabulary of UP bakah UP a Forest Department, Agriculture Department, DUDA leh Municipal Corporation leh school leh college zirlai te, NCC leh NSS volunteer te an tel.
UP-ah darkar khata thing \iak phun tam record an siam
