n laka an indo an kalpui mek laiin US chuan Middle East-a a tanrualpui ramte hnena ralthuam hralhna $ tluklehdingawn 8.6 a pawm.
Ralthuam hralh tur hi US Secretary of State Marco Rubio-a’n US Congress-in a ennawn hmasak ngai lova rikru thila inleitirna kalpui a ni dawn tih a puan hnua tihfel a ni.
February thla tawp lam atanga indona tan a nih atang khan Israel leh Gulf ramte hian Iran atangin missile leh drone hmanga beihna nasa tak an tawng a, US ralthuam dahkhawmnate a tichhe nasa a, an air defense system-te pawh a tibuai a ni.
Ralthuam hralhnaah hian Irael hnena advanced precision kill weapon system (APKWS) leh a kaihhnawih hmanrua $ maktaduai 992-a leitir leh Kuwait hnena battle command system $ tluklehdingawn 2.5 man a leitir a tel.
Qatar pawh APKWS leh Patriot air leh missile defence system-te $ tluklehdingawn 5 vela a leina tura phalna pek a ni a, United Arab Emirates chuan $ maktaduai 148-in APKWS a lei bawk ang.
Zirtawpnia thuchhuah hrang hrangah US State Department chuan Arms Export Control Act-a tar lan angin congressional review process chu a paltlang a, rikrum a awm chuan hralh a ngai tih ‘detailed justification’ a pe tih a sawi.
State Department chuan March thla khan tuna mi bakah hian UAE, Kuwait leh Jordan hnenah ralthuam hralh a remti a, $ tluklehdingawn 16.5 man a ni.
US-in Middle East-ah ralthuam hralhnna tur pawm
