US leh South Korea ten inremna \ha siam

US leh South Korea te chuan North Korea vauna do turin inremna tha zawk an siam.
Washington chuan US nuclear-armed submarine te chu South Korea ah a khat tawka tirh luh bakah Seoul chu a nuclear planning operation ah innhnamhnawihtir a remti bawk a.
South Korea chuan a hranpain nuclear weapons neih a tum ve lo thung dawn a ni.
Washington Declaration hian North Korea beih theihna lakah thawhhona tha zawk a thlen ngei dawn tiin US President Joe Biden chuan a sawi a.
Tun hnaiah ram pahnih te chuan North Korea nuclear ralthuam kaihhnawihah hlauhthawnna nasa tak an nei a. Pyongyang chuan tactical nuclear weapons South Korea mai bakah long-range weapons US mainland pawh kap pha a buaipui nasa hle a ni.
US hian inremna tihmakmawh neiin South Korea chuan beih a tawhin a chhan ngei ngei a ngai a, hei mai bakah hian a hma pawhin a tul a nih chuan South Korea chhan nan nuclear weapons a hman mai tur thu a sawi bawk. Mahse, tun hnaiah US intiamna chu South Korea chuan rinhlelhna neih phah hialin hei vang hian ama puala nuclear programme kalpui a tintuah phah hial a ni.
South Korean President, Yoon Suk-yeol chuan US tlawhin White House ah inbiakna neih hnuah Washington Declaration chu puan a ni zui a. Tun ang renga nasaa US in South Korea him nana inpekna a neih a la awm lo tia sawi zui a ni.
Inremna siam thar hi thla tam tak inremna a awm theih nana inbiakna rahchhuah a ni, tiin senior administration official te chuan an sawi a.
Inremna siam thar hnuaiah US chuan langsar zawka South Korea a venhimna lantir dawnin kum 40 hnuah nuclear-armed submarine pawh South Korea ah a tirlut dawn a, hei mai bakah hian strategic asset dang nuclear-capable bomber te pawh a tirlut ang.
Ram pahnihte chuan Nuclear Consultative Group dinin chutah chuan nuclear planning issue chungchangte sawihona neih thin a ni ang a. Seoul a politician te chuan Washington chu North Korea laka nuclear hman theih dan tur leh engtianga hman tur nge tihah ruahmanna tha zawka siam turin an lo phut reng tawh thin a ni.
Tun hnaiah North Korea-in nuclear arsenal a neih a pung zel a, South Koreans te chuan hlauhthawnna nasa tak neiin engin nge Joe Biden-an an tana nuclear button a hmeh theih dan turah zawhna an nei a ni.
Washington chuan Seoul chu a hnuchhawn duh mai ang tia ngaihna awm chuan South Korea chu ama puala nuclear weapons neih mai tumna a neihtir a. Mahse, January thla khan Yoon chuan Washington chu nuclear ralthuam neih tumna nei president hmasa ber a nih thu a lo hriattir zui tawh bawk a.
US-in tawngkam leh thuphunga a tiamna ringawt chuan South Korea te chu a hneh zo tawh lo va, hei vang hian an puala bomb neih ngei duhna a neih lentir hle a ni.
Biden chuan, “North Korea-in United States emaw a thawhpui ram te a bei a nih chuan chu chu pawm theih loh a ni dawn a, a tul anga chhan let a ni ang,” tiin a sawi zui bawk a.
US-in South Korea humhimna nghet zawka kalpui a remtih rual chiahin South Korea erawh non-nuclear state a la ni tur a ni tiin non-proliferation of nuclear weapons zawmtu a la ni zui tur a ni a ti thung. South Korea hian US thu zawm lovin nuclear ralthuam neih tum lui se chuan khawvel ram dangte pawhin an zui mai hlauhthawnna a lian hle a ni.