US thlipui sulhnu a na

Thlipui na takin US hmun thenkhat a nuai chu a thawk na rem rem hle a, mi sang chuangin chenna tur in leh lo an nei tawh lo.
Thuneitute sawi danin he hurricane helene tleh hian hriat theih chinah mi 135 nunna a la tawh a, hei hi state 6 huamchhunga mite an ni.
Inkalkawhna kawngpui tam tak khar a ngai a, la hawn hleih theih a nih loh avangin chhanchhuah hnathawktute chet velna thlengin a buai phah hle bawk.
Thlipui hi zawi zawiin reh deuh tawh mah se, chhiatna a thlen erawh a la sang zel thei nia sawi a ni a, a hnu zelah nunna thlenga chan theih a la nih avangin thuneitute chuan mipuite fimkhur reng tur leh, hmun him lam pan hram hram zel turin an chah bawk.
Hmun tam takah tuilian leh leiminte, kawngpui balte a awm avangin ei leh bar lakluhna a buai nasa hle a, ei leh in tur nei lote chu a theih ang anga pek zel niin, chet zung zung erawh a la harsa hle.