athianni zing khan Boxing-a paliang huangah kawnghren inchuha inhnek hmuhnawm tak a awm a. WBC Kawnghern inchuhnaah champion lai Oleksandr Usyk chuan a khingpui RicoVerhoeven chu knockout in a hneh a, a kawnghren kawl lai a humhim.
Palian huangah kawnghren pali kawl khawm thei hmasa ber Usyk hian WBC kawnghren chuhpuitu atan rin loh takin boxing a hnuhma lian nei lo Rico Verhoeven a thlang. Boxer lar tak tak thlang lova kickboxer a thlang tlat hian mak tih a hlawh hle nghe nghe. A khingpui hi boxing-ah inhnek vawi khat chauh la hmachhawn a nih vangin Usyk hi awlsam takin a chak ngei tura ngaih a ni.
Pyramids of Giza, Egypt a inhnekah tlang rin lawk loh tak thil a thleng. Awlsam taka chak tura ngaih a nih laiin Usyk a talbuai zawk ta tlat thung. Fimkhur leh thiam taka inveng chungin Verhoeven-a’n a hnek fuh fo a, round 10 an khel zawh thlengin dinhmun tha zawkah a ding hial a. Round 10 an khel zawh thleng hian 95-95, 95-95 leh 96-94 in Verhoeven a chungnung zawk a, chak thei dinhmunah a ding.
Beisei phak lo tak chunga round 10 a hman zawh hnuin round 11-naah Usyk a insiamtha a, na taka nawrtu a khingpui khabe-ah tak chiang taka lo dawm siahin a hnektlu chiang hle. Verhoeven hi tho leh bawk mah se Usyk-a’n na takin a bawhzui leh nghal a, a hnek fuh zui leh siah siah. Tlu nawn em lo mah se referee in inhnek a titawp a, Usyk chuan knockout a hnehna changin a kawnghren a humhim leh ta a ni.
Verhoeven laka Usyk chak danin duhkhawp loh leh sawisel a hlawh hle. Verhoeven ngei pawh hi inhnek turin a la inpeih viau a, round a lo tawp deuh ruai bawk nen dar riin a chhanhim ngei tura ngaih a nih laiin inhnek tihtawp a ni a, Usyk chaktir a ni. A tlawm dana lungawi lo Verhoven chuan Usyk nen inhnek nawn leh ngei a duh thu a sawi.
Palian huangah vawi 25 chak zawn tawh Usyk hian tunge a hmachhawn zui leh dawn a la chiang lo. WBC interim champion Agit Kabayel chuan amah hmachhawn ngei turin a cho a, a hneh tak Verhoeven pawhin inhnek nawn leh turin n a cho bawk a. “Tunge i hmachhawn leh ang”, tia zawhna chu boxer huaisen Usyk chuan, “An pahnih pawhin ka hmachhawn thei ve ve,” tiin a chhang.
Usyk a chak tluang zel
