National Highways and Infrastructure Development Corporation Limited chuan Vairengte leh Sairang inkar kawngpui enkawl lailawkna atan cheng vaibelchhe 59.05 an ruahman tih chief minister Lalduhoma chuan a sawi.
Zirtawpnia Aizawla Independence Day champha lawmnaah chief minister chuan, kar kaltaa Delhi a kal tumin NHIDCL managing director-in a rawn hmu a. Vairengte – Sairang inkar short term maintenance contract hna atan vbch. 59.05 an sanction fel tawh thu a hrilh tih a sawi.
Kawngpuiin tunhmaa a paltlang, tuna a tlawh tak loh hmun 5 chu kalkawng maintain leh vek a tul thu an sawi tih pawh sawiin, chumi atan chuan tunkar Thawhtanni khan vbch. 48.6 an rawn sanction nghal bawk tih a sawi a. NH.302, Lunglei atanga Tlabung chu NHIDCL kuta hlan a ni anga, Bangladesh ram thleng two lane-in an siam dawn tih a sawi a ni
Sairang kawngpui chu state sawrkar kuta awm a ni tawh lo chungin, sawrkar chuan a mawhphurhnaa ngaiin, sum tam tak sengin a siam a. Hnathawktu a dah a, boulder a phur lut a, retaining wall a siam a, culvert a siam a, leimin a thian a, lirthei tang tam tak a tanpui tih chief minister hian a sawi.
“Hun engemaw chhung chu nitin minister leh MLA-ten a hmunah an vil chawt a. Furpui hi han zo fel se, load test leh condition survey neih a, kawngpui thar – four lane kan neih hma chu danin a phalsak bak pel nasa lutuka rit phurh hi phal a ni tawh lo ang,” a ti.
Vairengte-Sairang inkar enkawl lailawkna atan cheng vbch. 59
