Vaivakawn Bazar sakthat tur kum khat chhunga zawh tum

Vaivakawn Bazar sakthat tur
kum khat chhunga zawh tum
Vaivakawn Bazar building chu sawrkarin a sa tha dawn a. Thawhlehni zing khan Commerce minister F Rodingliana chuan tlawhin, kum khat chhunga sak zawh hman tum a nih tur thu a sawi.
Commerce minister bakah hian Aizawl West II bialtu MLA, minister Lalnghinglova Hmar, Commerce & Undustries department hotute, PWD hotute leh khawtlang hruaitute an tel a. Bazar building sakthatna atan hian SASCI Part-V atangin cheng vaibelchhe 25.35 hmuh niin, Mizoram PWD-in a sak hna a thawk ang.
Bazar building thar ban thlang lam phunna tur enho niin, tuna footpath awm mek sir lam Joint YMA Field ko hnaih lama phun tum a ni. Jt YMA Field pan thlakna footpath awmsa chu two wheeler kal theiha siam dan tur enho niin, building thar chu kawngpui atanga a hla thei ang bera sak a nih theih dan tur enho a ni.
Minister F Rodingliana chuan Vaivakawn Bazar building chu hna tan atanga kumkhat chhunga sak zawh hman tum a ni tih a sawi a. A zar zotu tur chu mipui an ni, tiin, department leh khawtlang hruaitute chu a hun taka zawh a nih theihnan tangrual a, inpawh tlang taka hma la ho turin a chah.