‘Vanom: The Last Dance’ a No.1
Venom: The Last Dance-in tun weekend kalta khan North America-ah cinema hall ticket hralhna atangin dollar maktaduai 51 a la lut a, box office No.1 a ni.
Venom: The Last Dance hi Venom film pathumna a ni a, US pawna a lak luh nen chuan opening weekend-ah dollar maktaduai 180 a tlin thei. He film-ah hian Tom Hardy bawk a chang leh a, director Kelly Marcel nen script an ziak dun nghe nghe. Marcel hian film a direct vawi khatna a ni ve thung.
Venom film hmasa ber ‘Venom’ chu 2018 khan tlangzarh niin, opening weekend-ah US-ah dollar maktaduai 80.2 a la lut thei a, a hunlai chuan October thlaa film tlangzarh zinga US-a opening weekend-a sum la lut hnem ber record a siam. Chutah 2021-ah a film pahnihna ‘Venom: Let There Be Carnage’ an tlangzarh leh a, opening weekend-ah dollar maktaduai 90 a la lut leh thei bawk.
Venom: The Last Dance hi dollar maktaduai 120 vel senga siam a ni a, hetah hian marketing a la tel lo a, marketing nen chuan dollar maktaduai 180 vel an sengin a rinawm a, a sum lak luh dan enin hlep tha tawk nei thei tur niin an chhut.
Film tlangzarh thar dang Oscar-ah pawh langsar thei tura an beisei Edward Berger film siam ‘Conclave’-in dollar maktaduai 6.5 la lutin No.3 a ni. He thriller hi Vatican a thil thleng anga tarlan niin, Pope thar thlan chungchang vel tarlanna niin, Ralph Fiennes, Stanley Tucci, John Lithgow leh Isabella Rossellini te an inlan.
Box office Top 10:
1 Venom: The Last Dance $51,000,000
2 Smile 2 $9,400,000
3 Conclave $6,500,000
4 The Wild Robot $6,500,000
5 We Live in Time $4,848,132
6 Terrifier 3 $4,770,505
7 Beetlejuice Beetlejuice $3,230,000
8 Anora $867,142
9 Piece by Piece $720,110
10 Transformers One $720,000
‘Vanom: The Last Dance’ a No.1
