Vawiina vote thlak tur J&K
Seat riat awmna Jammu division leh 16 awmna south Kashmir te chuan vawiin hian assembly election thawhkhatna vote an thlak dawn a, thawhtanni kha campaign tawp hun a ni bawk.
Jammu lam bikah hian Inderwal, Kishtwar, Padder-Nagseni, Badherwah, Doda, Doda west, Ramban leh Banihal ah vote thlak thawhkhatna hi kalpui a ni dawn a, hemi huamchhungah hian voters nuai 7 chuang awmin, thuneitute chuan inthlanna muanawm tak a awm ngei an beisei thu leh mipuiten an mi duh ngei, an zalenna hmanga an vote ngei an beisei thu an sawi.
Nirmal Singh, Ramban a real estate dealer chuan, BJP in hnehna sang tak an chan theih ngei a beisei thu a sawi a, he lai bial tana Modi-a hmalakna ringawt pawh hi tlinpui tham a nih thu sawiin, tlin lawm tura an inpeih nghal der thu a sawi.
J&K a inthlan thawhkhatna neih turah hian BJP thawm a rin hle rualin, INDIA bloc lam pawhin thawm an nei lian hle a, INDIA bloc zingah COngress, NC leh PDP te hi party lian leh tangho lian zualte niin, central India atang pawhin an vil nasa hlawm hle a ni.
Vawiina vote thlak tur J&K
