GIG Motors Veteran Football Tournament 2024 ni riatna chu nimin, April ni 1, Nilaini khan 1st MAP Ground, Armed Vengah khelh chhunzawm a ni a, inkhel vawili awmah Ward No II, Ward No XI, Ward XVI leh Ward No XIX-te’n an khingpui theuh an hneh.
Inkhel hmasa berah Ward II chuan 2-1-in Ward XII an hneh hram. Ti hian, Ward II hian match li khel tawhin group match an zo fel a, point 10 neiin semi-final lut hmasa ber an ni.
Inkhel vawihnihnaah Ward XI chuan 8-2-in MZU Veteran an sawp a; Pool D-ah Ward XI hian match thum khel tawhin, match khat khelh hmabak an la nei a, point ruk hum mek chungin semi-final luh beiseina an la nei a ni. Ward IX chuan match khat khelh hmabak la nei chungin point sarih an nei ve mek bawk.
Inkhel vawithumna Pool A-ah Kolasib Veteran an inlan loh avangin Ward XVI chuan 3-0-in hnehna an chang a; Ward XVI hian match li khel tawhin point ruk nei mah se semi-final luh beiseina an nei thei tawh lo. An Pool-ah Ward X hian point kua nei tawhin khelh khat hmabak an la nei thung.
Aizawl South III chuan match hnih chiah an la khel a, point hmu tawhin khelh hnih hmabak an la nei a, semi-final lut turin chak ve ve an ngai thung.
Nimin inkhel hnuhnung ber Pool B lamah Ward XIX chuan 4-1-in Ward XVIII an hneh a; Ward XIX hian match li khel tawhin an match an khel zo a, point ruk khawl tling mah se an tan semi-final thlen beisei a theih tawh loh thung. Lengpui Veteran hian point sarih an neih bakah vawikhat khelh an la neih avangin semi-final lut tura beisei an ni.
Veteran football tournament
