Mizoram inthlan hun sawn tura ngen turin NGO Coordination Committee te’n Ningani khan Delhi an pan a, Election Commission of India (ECI) hotute hmuh an tum.
Central YMA, MUP, MZP leh MSU aiawhte an kal a, an chairman Lalhmachhuana, Central YMA president Lalhmachhuana chuan Zirtawpni-a ECI office hi pan rawih an tum thu a sawi.
Thawh\anni khan ECI hotute hmu tura dilna (appointment) an thehlut tawh a, Zirtawpni hian an office-ah kalin an dilna thlen chin te an ngaihven dawn tih a sawi.
ECI hotute hmuh a har tih an hriat thu a sawi a, chuvangin Delhi an pan hmain hmuh dilna pawh an thawn a, chu chu kal chilha ngaihven an tum thu te sawiin, “A hmuna kal rawih mai hi \hain kan hria a, a remchan dan ang anga hmalak kan tum a ni,” a ti.
NGO Coordination Committee hian an dilna tihhlawhtlin a nih loh chuan Protest Day hman an tum a, hemi chungchanga zawhna chhangin an chairman chuan, “Hei hi tum dan sa a awm lo a, ngaihtuah chawp tur a ni ang a. ECI hotute hmuh kan tum phawt ang a, chumi hnuah a \ul anga ngaihtuah a ni ang,” a ti. “Hei vang hian ECI hmuh thuai thuai hi \ulin kan hria a, hmaichhana ECI hotute hmuh phawt a, chumi hnua ngaihtuah tur a ni ang,” a ti bawk.
Vote chhiar hun sawn tura ngen turin Delhi kal
