Vun rawng tih ngona fairness cream-in kal (kidney) harsatna thlen theih

Vun tih ngona fairness cream hman uar lutuk chuan India ramah kidney (kal) lama harsatna a thlen nasa tiin zirchianna thar ber chuan a tarlang.
Vun rawng ngo atchilhna nasa tak karah India ramah skin fairness cream chu market turu tak a ni a. Mahse, heng cream-ah te hian mercury tam tham tak awmin chu chu kal-in a haw hle thung.
Medical journal Kidney International a zirchianna tihchhuahah fairness cream mercury sang tak awmna chuan kidney filters tichhe theia protein tiputru thei Membranous Nephropathy (MN) a thlen thei tiin tarlan a ni.
MN hi autoimmune disease niin chu chuan nephrotic syndrome-kidney disorder zuna protein a nih tur aia tam paihchhuah tir thei a ni.
“Mercury te chu vunah a lut a, chu chuan kidney filter a tibuai theia chu chuan nephrotic syndrome a siam thei a ni” tiin researcher Dr Sajeesh Sivadas, Department of Nephrology, Aster MIMS Hospital, Kottakkal, Kerala chuan a sawi.
“Heng fairness cream te hi Indian market-ah a tam em em a, rang takin vun a ti ngo thei a, mahse, a man tel tur a sang thung. A hmang tawh te chuan harsatna neiin an hman zui loh chuan a hma aiin an vun a hang zawk an ti” tiin a sawi bawk.
Zirchianna neih hian July 2021 atanga September 2023 a MN case 22 te a ni a. Heng damlo te hi Aster MIMS Hospital a lut te vek niin chau, gross edema, zun phuan nasa te an ni. Damlo zinga poathum te chu gross edema nei an ni a, mahse an vaiin an zun a protein level a sang vek.
Damlo pakhat chuan cerebral vein thrombosis a nei tel bawk a. Zirchianna neihah mi 22 zinga 15 lai 68 per cent te chuan MN an nei vek tihhmuhchuhah a ni a. Damlo 15 zinga 13 te chuan a symptom an neih hma in skin fairness cream an hmang vek tih an sawi bawk. Pakhat chuan traditional indigenous medicine a hman thu sawiin pakhat dang leh chu a chhan leh vang tur awm hriat theih mai a ni lo thung.
“Case tam ber te hi fairness cream hman loh hnuah a tawp mai a. Chuvang tak chuan mipui nawlpui hriselna atana hlauhawm a nih avangin heng product te hlauhawmna hi mipui hriattira health authority te pawhin hma an lak a ngai a ni” tiin research paper chuan a tarlang.
Dr Sajeesh chuan heng cream te hman uar a nih theih nan leh multibillion-dollar industry a nih hial theihnaah social media influencer te chu uar uchuak tiin a dem bawk.