Pancreas chu pumpui hmawr tawp kual lai kara awm a ni a, a awlsam zawngin kan ei leh in atanga kan taksa a lut thil tul lo te lo ei raltu ti mai ila. Pancreatic cancer chu an hriatchhuah meuh chuan a lo tlai duh viau tawh a, 80% vel zet chu a stage san deuh tawh hnuah hriatchhuah chauh a ni thin a, hei vang hian enkawl a har tawh thin a, chuvangin a lanchhuah hmasak dan kan hriat a pawimawh hle a ni.
Pancreatic cancer chu pum lam fel lo atanga hriatchhuah a ni deuh thin a, chutihrualin he cancer hi vunah pawh a lang chhuak thin niin mithiam ten an sawi a, vun hi a lanchhuah hmasakna a ni duh hle lehnghal. Tun tumah hian Times of India-in vuna pancreatic cancer lanchhuah dan ni a an sawi te kan rawn tarlang e.
1. Mìtliam leh vun thak: Mìtliam (jaundice) chu vun leh mitmu var lai a lo eng a, zun rawng a lo tak a, ek rawng a dal thin. Pancreatic tumour-in bile duct (mìt) a tibuai a, thisenah bilirubin a lo inchhekkhawl ta thin a, chu chuan heng symptom hi a rawn awm tir thin. Mìtliam chu vun thakin a zui duh hle a, bile salt vunah a lo tam thin vang a ni. Cancer Research UK-a an tarlan danin mìtliam hi pancreatic cancer symptom tlanglawn tak a ni a, a bikin tumour chu pancreas lu lama a awmin a ni duh lehzual. Hetihrual hian mìtliam zawng zawng pancreatic cancer a ni vek kher lo tih erawh hriat tel tur a ni.
2. Pancreatic panniculitis: Pancreatic panniculitis hi thil awm khât tak a ni a, a na duh viau a, vun chhungah a lo sen a, keah a ni duh bik. Pancreatic enzyme a lo san vang a ni thin a, pancreatitis nasa emaw pancreatic cancer emaw vang a ni thei. DermNet NZ review-in a tarlan danin, pancreatic panniculitis hi pancreatic natna nei 2-3% velah a awm niin an tarlang a, mipa zun in nasaah a awm duh lehzual.
3. Necrolytic Migratory Erythema (NME): NME chu vunah sen bawr deuh tiai-in a langchhuak thin a, a awh zau ve deuh thin bawk a, kut leh ke bakah vun nem lai deuhah te a awm duh lehzual a, glucagon-secreting pancreatic tumours, glucagonomas-ah a awm duh lehzual. Vun a sen/vual deuh tiak a, a thak a na bawk thin.
4. Acanthosis nigricans: Vunah a dum deuh lai bik a lo awm thin a, nghawng leh zakhnuai bakah a kawmkar deuh laiah te a awm duh lehzual. Insulin resistance leh thau uchuak-ah te awmin, zunthlum symptom pakhat a ni thei a, pancreatic cancer a paraneoplastic sign a ni thei bawk.
5. Livedo reticularis: Vun rawng a purple deuhin, ze râng deuh angin a lang chhuak thin. Hetiang hi pancreatic disease-ah a awm thin a, pancreatic cancer sign a ni thei.
Vuna pancreatic cancer lanchhuah hmasak dan ngaihthah loh tur chi
