Wine chungchanga Mizo mipui nawlpui rilru puthmang chu her rem hret tul nia a hriat thu All India Wine Producers Association president Jagdish Holkar chuan a sawi.
Hnahlana grape festival – ‘The Grape Escape’ hmanna rawn tel All India Wine Producers Association (AIWPA) president hian grape festival neih hian grape chinna nena inzawm, Champhai district-a industry-a innghat mi engemawzat an awm tih a tichiang hle tih sawiin, Hnahlan leh Champhai economy chu grape chin atangin a tha chho tih a sawi. Tualchhung mite tan eizawnna a siamsak a, he hlawhtlinna hian wine chu ei leh in, art, music, culture leh tourism te zawmkhawmtu inang a nih zia a tichiang tih a sawi.
Hnahlan Grape Farming & Processing Co-op Society consultant Francis Sailo chu he biala grape leh thei atanga wine siam kawnga pui turin Mizoram aiawh atan ruat a ni tih a sawi a. Mizoram State Planning Board vice chairman H Rammawia hmalaknain Horticulture, Commerce & Industry leh Excise & Narcotics department hotute nen an inkawmna chuan rahbi thar a siam an beisei tih sawiin, horticultural practice tihchangtlun, oenological (wine making) tihchangtlun, wine hralhna, tourism leh industry tana skill tihhmasawnte an sawi ho tih a sawi a ni.
Grape chingtute leh he industry thar tanpuina kawngah Mizoram sawrkar leh sawrkar laipui atangin a theih ang anga tanpuina an hmuh theih an beisei tih Jagdish Holkar hian sawiin, Mizoram wine chu India ram state dangah hralh a ni
Wine chungchangah Mizote rilru puthmang thlak tul an ti
