026 FIFA World Cup-ah Spain an champion a, Spain player Fabian Ruiz leh Gavi te chu an khuain lawmpuina hun an hmang a, World Cup Champion team-a an tel avangin a lawm nan anmahni bûk tawk tomato an hlan ve ve!
Fabian Ruiz leh Gavi te hi Los Palacios y Villafranca khawchhuak an ni a, Spanish team-ah midfielder ve ve an ni a, an champion lawmna hi July ni 22 khan an khaw town hall-ah neiin, hetah hian an inbûk tir a, an rih zawng ang chiah tomato an pe ve ve a ni.
Ruiz hi pound 187 (kg 85) a rit niin, Gavi hi pound 151 (kg 69 vel) a ni ve thung a, an bûk tawk chiah tomato an dawng ve ve.
Ruiz, kum 30, hi World Cup-ah khan Spain tan minute 366 a khel a, Paris Saint-Germain midfielder hian Belgium nena quarterfinals an khelh tuma 2-1 a an chakna tuma Spain goal hmasa zawk thuntu kha a ni nghe nghe.
Gavi, kum 21, hi chuan kha tournament-ah minute 85 a khel hman a, ani hi Barcelona midfielder niin, 2023-a UEFA Nations League title winner-ah pawh Ruiz nen hian an lo khel dun tawh bawk a ni.
Ruiz leh Gavi te chawimawi nan hian an municipal grass football field pahnih chu “Fabian Ruiz Football Field” leh “Pablo Pez Gabira ‘Gavi’ Football Field” tiin an hming an put tir nghal bawk a ni.
World Cup Champion lawmmanah tomato
