Delhi khawpui chhunga luang Yamuna luipui chuan 207.25 metres a sang chim tawhin hei hian record dinglai kum 1978-a 207.49 metres chu a hnaih tawh hle thu sorkar thuneitute chuan Nilaini khan an sawi. Central Water Commission (CWC)-a tuilian enkawl biktu lam chuan Nilaini zing dar 4 khan Old Railway Bridge ah chuan tui hian 207 metres rawn chim tawhin hei hi kum 2013 hnua a chim san ber niin an sawi a, mahse hei hi Nilaini zing dar 8 ah chuan 207.25 metres ah a lo chho leh hman niin an sawi.
Irrigation and flood control department hotu te chuan hei hi Nilaini chhun dar 12:00 ah chuan 207.35 metres ah a thleng chho hman turah an ngai a ni.
Thuneitute chuan hetia Yamuna lui tui lo len vakna chhan chu kar hmasa kar tawp lama khawpui leh a chhehvela ruah sur nasa lutuk vang niin an sawi a. Hmun hniam deuh laia chengte chu hmun him zawk leh hmun sang lama thiar chhuah an ni a. Mipui chhanchhuah hna thawh nan hian Lawngleng 45 lai hman a ni a, hemi hmang hian hlauhawm hriattirna te, inthiar chhuah leh chhanchhuahna hnate thawh a ni.
Yamuna lui chim chinin record dinglai a thleng teuh hle
