CPI(M) General Secretary Sitaram Yechury chuan Election Commission hnenah Rajasthan a rally a neihnaah Prime Minister Narendra Modi chuan buaina siam thei zawngin thusawi a nei tiin a hrilh a. Hetihlai hian INDIA bloc party te chuan India khua leh tui te chu he issue chungchangah hian election panel a email te thawn turin an ngen bawk.
April 21 khan Modi chuan Bansara ah ‘hah taka in thawh chhuah sum te kha fa nei ngah zawk dan kalha lutru (infliltrator) te in pe dawn em ni?’ tiin a sawi a. He a thusawi hi Yechury chuan community pakhat a bitumna tia sawiin Section 123 (3) of the Representation of People’s Act leh Model Code of Conduct bawhchhiatna a ni tiin a sawi.
Yechury chuan EC in circular March 1 a tihchuah a neihah ngei pawh Poll panel chuan political party te chu sakhuana lam sawi lo turin a lo ti ngei tawh a ti bawk a. A hma pawhin CPI(M) te chuan Modi an bawhchhiatna turu tak a neih te an complaint tawh thu leh mahse chhanna an hmuh loh thu a sawi bawk a.
“Hei tluka community pakhat te beihna leh anmahni huatna thusawi a awm chuang lo. Hetiang inhuatna thusawitute chu tun hma in khapin an lo awm tawh” tiin Yechury chuan Chief Election Commissioner Rajiv Kumar hnena lehkha a thawnah a ziak lang a ni.
Yechury chuan Modi lakah FIR ziahluh ngei ni se a ti bawk a. “Election Commission in hmalakna a nei zui duh lo a nih chuan autonomous institution a nihnaah leh inthlanna felfai zalen leh thianghlim huaihawtna kawngah a laka rinna nghahna a tlahniam khawp ang” tiin a sawi bawk a. Party polit Bureau member Brinda Karat chuan Mandir Marg police station ah complaint a thehlut zui a ni.
Trinamool Congress Rajya Sabha MP Saket Gokhale pawhin khua leh tui te hnenah ngenna siam bawkin, “Modi a thusawi induhlo ve tho a nih chuan inthiltihtheihna hman hun a ni. Election Commission hian Opposition te a haider tlat a, Modi leh BJP te chu free pass a pe a ni. Inthlan laiin Election Commission chu political party te tan an ni lo, mahse, India mipui te tana awm an ni” tiin Chief Election Commissioner hnena a lehkhathawnah a ziak lang bawk.
Yechury-an PM Modi lakah EC chu hremna lekkawh ngei turin ngen
