YMA rorelna sang ber dawttu, Central Coordination Committee (CCC) chu a vawi 99-na atan Nilaini khan Aizawlah an thukhawm.
CCC thutkhawmah hian Central YMA general secretary Prof. Malsawmliana chuan thutkhawm hnuhnung ber leh tun inkara Central YMA hmalakna a sawi a. Nikuma YMA Inkhawmpui Lian vawi 74-naa rorel hrang hrang – YMA khawih paruk leh sawrkar khawih pakhat bawhzui dan sawi a nih bakah bawhzui zel dan tur sawiho a ni bawk.
Kum 2023-2025 chhunga YMA kumpuan – ‘Ram leh hnam humhalh’ bawhzui dan sawi a ni bawk.
Inkhawm kaihruaitu Central YMA president Lalhmachhuana chuan palaite chu ruihhlo do kawnga theihtawp chhuaha tan la a, Mizorama hnamdang phalna ei loa sumdawngte leh hnamdang lirtheia sumdawng tam lutuk enfiah kawnga hma la zel a, tuihna humhalh kawnga mahni awmna theuha theihtawp chhuah turin a chah.
Central Coordination Committee-ah hian Central YMA hruaitute bakah Sub-Hqrs YMA aiawh, Group YMA aiawh leh Aizawl City Branch aiawh mi 220 an kal a ni.
YMA CCC thukhawm
