Tanhril YMA chuan kumin June 16 (Pathianni) a an inrawk tu lo man a, amah chauha lo chelhtu Lalsangpuii w/o Lalenkima hnenah Aizawl SP-in huaisen chawimawina a hlan chu an chhuangin an hgaihhlu hle tih a sawi.
YMA Tanhril Branch thuchhuah chuan, Lalsangpuii hian Pathianni chawhnu inkhawm hlan, a chhungte an chhuah vek laiin, an ina rukru lut chu hmu in a man a, Police leh YMA tangdunin rukru la zuiin, thu an zawhfiahnaah tunhnaia in rawk leh thilbo hrang hranga inhnamhnawih midang pahnih man belh an ni tih a sawi. Huaisen chawimawina a dawng chu an ngaihluin a lawmpui a. Hetiang mi huaisen, vengchhung mi an awm chu thlamuanthlak an tih thu a sawi a ni.
YMA-in an veng nu chhuang
