YMA Inkhawmpui Lian vawi 74-na chu Biate-ah neih a ni a. Thawhlehni zan atang khan tan niin, hemi nia palai khawmpui kal in report hi zan dar 7.00 thleng khan mi 3000 an chuang a ni.
Tarlan tawh angin, Thawhlehni zan hi palai lawm zan a ni a, annual report leh finance report pharh a nih bakah ramngaw, nungcha leh tuihna humhalh tha branch hnenah lawmman sem a ni. YMA Chanchinbu Golden Jubilee souvenir chu Central YMA president R Lalngheta’n a tlangzarh bawk.
MLA inthlanpui kum a ni chungin, palai tam zawk thlen belh an inbeisei tih inkhawmpui huaihawttute chuan an sawi a. Vawiin, October 25 hian rorel inkhawm neih a ni anga, rorel hlanin variety programme hman a ni ang. Ni 26 ah Central YMA hruaitu thlan a ni ang.
Tun dinhmunah YMA hian branch 805 a nei a, Group 47 leh Sub-Headquarters 5 neiin, member 404722 a nei. Mizoram pawn – Assam, Meghalaya, Manipur, Tripura leh Nagaland-ah YMA Group leh Branch a nei a. Sajek (Bangladesh) ah branch a nei bawk.
YMA inkhawmpui palai 3000 chuang thleng tawh
