National Council of Young Men’s Christian Association of India National Executive thutkhawm chu Thawhlehni atang khan Mumbai-ah neih a ni a. North East Zone chairman Dr R Lalthangliana pawh a tel.
India ramah YMCA hian Zone 9 neiin, NE Zone-ah hian state 8 an awm a; Dr R Lalthangliana hi term 6 a chairman tawh a ni.
Vawiin, October 9 hian National Board an thukhawm anga, North East states-ah YMCA branch tam zawk din dan an ngaihtuah mek chungchang leh Shillong-ah NE State YMCA tan ram lei dan ngaihtuah an tum mek tih NE Zone chairman hian a sawi. YMCA hminga kawng hrang hranga hman theih tura ruahmanna chu National YMCA-in hma lakpui turin a thlen bawk.
Tunah hian YMCA hi khawvel huapa NGO lian ber niin, headquarters hi Geneva-ah a awm a ni.
YMCA thutkhawmah tel
