Zakapa Award siam dawn
Social Welfare & Tribal Affairs minister Er Lalrinawma hoin ‘Zakapa Award’ Organising Committee chu Thawhtanni khan an thukhawm.
Minister chuan hmeichhiate thlavang hauh a, theihtawp chhuahtu, Khawhai lal Zakapa chu chawimawi a phuin, a phu tawk chawimawina a dawng lo chu pawi hle tih a sawi a. Amah hriatrengna leh chawimawina a hminga award siam a ni thei tur chu lawmawm a tih thu sawiin, hei hian hmeichhiate chawikan leh an thlavang hauh kawngah thui tak kori a tu ngei ang tih a beisei thu a sawi.
Organising Committee chuan Zakapa Award buatsaihna atan hian seminar neih leh zirlaite nena hun hman, district tin bawrhsap leh NGO-te nen thawhho dan tur sawiin, Zakapa Award dawngtu hi sumfai nuai khat leh thuziak pek tura ruahman nise, a dawngtu tur chu Mizorama cheng ngei, mipa emaw hmeichhia emaw, mimal emaw pawl emaw pawh nise damlai ngei an ni tur a ni a. He award hi kumin September chhunga sem tura ruahman a ni ang.
Zakapa Award siam dawn
