H Thanga Enterprise (LHTE) LPS Comedian Search
Season 15 Grand Finale chu zanin dar 8 hian Ignite Studio-ah neih a ni dawn.
Mizorama TV show kaltluang rei ber leh mipuite ngainat hlawh tak LPS Comedian search hmawr bawknaah hian Top 5 ten inelna an neih bakah comedian search atanga kan lo hriat lar tawh fiamthu thiam tak takte an rawn inlan dawn a. |um 15 zet comedian search buatsaih a nih chhung hian kawng hrang hranga hmasawnna hmuh tur a awm ziah thu leh ropui a tih thu H. Rotluanga, Chief Organiser chuan The Aizawl Post a hrilh.
Kumin LHTE LPS Comedian search-ah hian tel tum mi 70 ten hming an pe lut a, chung zingah chuan Lalchhanhima Sesawng/ |huampui, Lalnunmawia Ratu/Chhiahtlang, Kapkima Ramhlun North, Vanmalsawma Tuikual North leh Zohmangaiha Champhai Ruantlang/ Edenthar te chu final lutin zanin hian intihsiakna an nei dawn a.
Mizoram pawn leh hmun hrang hrang atanga LHTE LPS Comedian Search final thlir duhte tan Runmawi App atanga a en theih dawn bakah LPS 1-ah live a pek chhuah a ni dawn a. Intihsiaknaah hian H. Rotluanga (Chief Organiser), Lalhruaitluanga Chawngte leh Darrokima te chu judge niin, Lalrinpuii leh Zosangzuala te chu host an ni bawk.
LHTE LPS Comedian Search 2023-a pakhatna hian cheng nuai 1 bakah, Suzuki Access 125, TV, 1.6kw Solar Hybrid Power Backup System a dawng dawn a. Pahnihna hian cheng 50,000 bakah, Refrigerator, Solar Heater 200ltr per day an dawn dawn bakah, pathumna hian cheng 30,000 bakah, Washing Machine, Solar Heater 100ltrs per day an dawng dawn a ni.
Zanin-ah Comedian Search Grand Finale
