Zarkawta multipurpose ground
kumin December-ah zawh tum
High School Field MacDonald Hill Zarkawta multipurpose ground sak mek chu Nilaini khan Mizoram State Project Monitoring Committee chuan an tlawh.
He hna hi Aizawl Smart City Ltd. hnuaia Lushai Engineers Aizawl-in a thawk mek a. 2023 February 4-a thawh tan niin, thla 18 chhunga zawh tura tih a ni. Hna thawh mek laia harsatna hrang hrang avangin zawh hun tur hi a tira tuk aiin a tlai hret dawn a; kumin December-a zawh tum a ni. A tira sum ruahman sak zat chu cheng nuai 1627.71 a ni.
Tunah hian hna zaa 50 chuang hret thawh tawh a ni a. Chak lehzuala thawk turin a enkawltu Aizawl Smart City Ltd. hotute leh contractor-te hi an inruahman fel thawkhat tawh tih sawi a ni. Hnathawh tawh chin hi a tha thawkhatin MSPMC chuan a hre bawk. Endik zawh hian Inspection Team, Aizawl Smart City Ltd. hotute leh contractor ten hna chungchang an sawiho zui a ni.
Zarkawta multipurpose ground kumin December-ah zawh tum
