Zawhnaah HOTS tam zel dawn
High School Leaving Certificate exam-ah zirnaa hma sawn zelna atan HOTS (higher-order thinking skills) zawhna tih tam telh telh an tum tih Mizoram Board of School Education chairman JH Zoremthanga chuan a sawi.
HSLC 2025 exam result tihchhuah takah MBSE chairman chuan kumina compartmental exam nei theite chu school admission an tlai lohna turin exam buatsaih thuai a ni dawn tih a sawi a. Compartment exam bakah result complaint hun ni 7 chhung hawn a ni tih a sawi.
Kumin exam-ah zawhna har zawng tehnaa a zangkhai deuh, LOTS (lower order thinking skills) zawhna zaa 60 leh a bak zawng zaa 40 chu tlema har deuh – application leh HOTS atanga siam a ni tih a sawi a. Zirna-in hma a sawn zelnan HOTS zawhna telh tam deuh deuh tura ruahman a ni tih a sawi a ni.
Hetihlai hian kumina HSLC topper PC Lalthakimi d/o Darthuama, Armed Veng chuan a zir chhoh zelnaah medical line lam thlan a tum tih a sawi a, a nih tum ber chu neuro surgeon a ni tih a sawi.
Topper hian mark 479 hmuin, English, Maths, Science, SS leh Mizo ah letter a hmu a. Hostel-a awm an nih avangin social media lam a khawih tam lo hle niin a sawi.
Zawhnaah HOTS tam zel dawn
