Mizoram Mizoram Super League season 11 na a zo va, club lamin transfer period hmang tangkai zui nghal zatin MSL 11 finalist Zemabawk BC chuan Mission Veng Hotshots atangin an captain Lalruatkima (Zarkawt) chu an la lut fel leh nghal der.
Zemabawk BC hian an tualchhung star player kawlsa Lalropuia leh K. Lalthianghlima te kiangah an mamawh tak player Ruatkima an kawl thei tur hi thu lawmawm a ni.
Ruatkima hian kum 2025 khan Inter Veng basketball tournament-ah an veng Zarkawt chu champion nomawi chawipuiin, MSL 11 khelh zawh takah khan D. Johnson leh Afaka te nen beisei phak baka khel tha in, semi finals hial a captain-na hnuaiah Mission Veng Hotshots hi a kaipui a ni.
A club hlui tan channa nasa tak a ni dawn a, ZBBC tan erawh champion nomawi chawi chaka an riltamna chhanna a nih ngei fans leh an club puipate tan chuan a ni ang.
Ruatkima hian MSL 11 kha mimal takin season duhawm tak a hmang a, player of the match-ah pawh tum thum (3) lai thlan a ni nghe nghe.
A khelhna Hotshots tan game 9 inlan theiin point 14 lai a nei phak hial. The Aizawl Post Hoops Mania chuan he player hmuhnawm tak hi duhsakna a hlan e.
Zemabawk BC inthuam chhah
