izawl Day lawmna ni thumna chu Zirtawpni khan Aizawl Sipai Lammual ah neih a ni a. Naupang infiamna hrang hrang a thlawna buatsaih leh ei leh in tur stall bakah bungraw hrang hrang phochhuaha zawrh a ni. Chawhnu dar 3.00 atangin Govt. Aizawl West College zirlaite leh Govt. T Romana College zirlaiten zai leh lam an entir a ni.
Ningani khan Govt. Mizo High School leh Govt. Chaltlang High School zirlaiten an thiamthil hrang hrang an lo entir tawh a. Aizawl Day denchhen hian Aizawla zirlaite thiamthil phochhuah hi an ngaihpawimawh thu Aizawl Day Organising Committee chairman Laltlanzova Khiangte chuan a sawi.
Zirtawpni chawhnu khan Aizawl Day lawmna denchhena Mayor’s Cup Volleyball final chu TNT Zuangtuia khelh niin, hmeichhe final-ah Ward No.18 Malsawmzuala Ralte bial leh Ward No.13 Lalfakzuala Chenkual bialten an khel a, zanah khan mipa final Ward No.9 B Lalawmpuii bial leh Ward No.1 mayor Lalrinenga Sailo bial an inkhel a ni.
Aizawl Day 2024 lawm hmawrbawkna, main event chu Inrinni chawhnu dar 1.00 hian Lammualah neih a ni dawn a. UD&PA minister K Sapdanga’n hmanpui tura beisei a ni. Aizawla cheng zinga kum upa ber lawmman pek a nih dawn bakah Aizawl Day lawmna puala volleyball tournament mipa leh hmeichhia inelna lawmman sem a ni ang.
Zirlai leh naupang pualin Aizawl Day
