Zirlaite tan hna zawn lam sawipui
SCERT bultumin Nilaini khan Mamitah high school zirlaite pualin hna leh eizawnna lama an kal zelna tur sawipui an ni.
Hmanpuitu Mamit district bawrhsap Jacob Lalawmpuia chuan zirlaiten an nunah vawng reng tura a duh sawiin, lifeskills – nu leh pa thuawih leh aia upate zah tel lo chuan nun tha a neih theih loh tih a sawi. Hrehawm tuar peih tura inbuatsaih a tul, tiin, hlawhtling tur chuan teirei peih a, hrehawm tuar huama lehkha zir leh, nuam taka hlawhtlin tum loa, thahnemngai leh dawhthei taka hlawhtlin tum turin a chah.
School 6 atangin zirlai 379 leh zirtirtute an tel a, MZP Hqrs. Mamit hruaitute an tel bawk. Zirlaite tana hriat tur hrang hrang – carreer planning, vocational education /skill development, career in arts, science & commerce, entrepreneurship leh National Testing Agency chungchang sawi a ni a. SCERT lecturer-ten an kaihruai a ni.
Zirlaite tan hna zawn lam sawipui
