Zirlaite tan kawng kawhhmuh
District Child Protection Unit Champhai leh District Programme Officer Women and Child Development Champhai tangdun chuan kar kalta khan New Generation Movement (NeGMo) Programme on Career Awareness an buatsaih a, school hrang hranga high school leh higher secondary zirlaiten an chhim.
A ni khatnaah hian Child Welfare Comittee chairperson WC Zorammawii chuan hmanpuiin, panelist pali – Champhai BDO Dr Vanlalnunpuii Ralte, UD&PA atangin Baby Lalremtluangi, advocate Lalchhuansanga Sailo leh Gandhi Memorial HSS zirtirtu Lalthantluanga Tochhawng an thu.
Ni hnihnaah hian Champhai bawrhsap Mohammad Aaquib chuan hmanpuiin panelist pali – DIPRO Lalzara, Govt Champhai College asst. professor Ramnundanga, PHE SDO C Zothansanga leh SBI lead district manager Lawmkima te an ni. Panelist-te hian thu sawiin an tawnhriat leh an duh zawng an sawi a, an department lam hnathawh sawiin, tlin theih dan an sawi bawk.
Zirlaite tan kawng kawhhmuh
