All India Survey on Higher Education (AISHE) Mizoram Unit chuan Mizoram chhimlama zirna in sang (higher education institution) a nodal officer-te tan Higher and Technical Institute Mizoram (HATIM) Lungleia AISHE chungchang zirhona chu July 19 khan a buatsaih a. Lunglei bawrhsap R Lalthazuala’n a hmanpui.
AISHE hi India ram puma zirna sang dinhmun zirchianna niin, zirna in hrang hranga zirlai, zirtirtu, zirna peng, exam result, sum leh pai dinhmun leh zirna hmanraw neih changtlun dan zirchian a ni.
Mizoramah AISHE hnuaia inziak lut zirna in sang – university 3, college 40 leh standalone institution 52 an awm mek a. Zirna sang, college chin chunglama pawl tina zir thei tur kumbi thena mihring awm zat leh a taka zirnaa inziaklut khaikhinna (gross enrolment ratio – GER) ah national average 28.4% a nih laiin, Mizoramah kum 2020- 2021 khan 26.8% leh kum 2021- 2022 ah 32.3% niin, a pung zawngin a kal. AISHE Mizorama thawktute chuan GER 50% tlin chu tun dinhmuna an tum ber pakhat a ni tih an sawi.
Zirna in zirchianna zir ho
