Zirtirtu aikal la te chungah sawrkarin action a lak theihnan Mizo Zirlai Pawl chuan hma lak a tum.
MZP rorelna sang ber dawttu Federal Council Sitting vawi 58-na chu Zirtawpni khan neih a ni a. Thurel zingah zirtirtu aikal la bawhzui bakah school thenkhat sawrkar atanga hlawh laten fee sang tak an la thin tih tawp a nih theihnana hma lak, Mizoram-in state university tha tak a neih theihnan Mizoram State University Act 2025 zirchiana a tul anga hma lak, Indo Myanmar ramri hung tumna in Zofate inpumkhatna atan harsatna a thlen dawn avangin dodal zel, tihte a tel.
Thudawn danin Federal Council Sitting-a thurel hi Assembly-a chhawpchhuah leh thin ni mah se, inthlan dawn kumah chuan Assembly-a rel loin pawlin a bawhzui tura tih nghal thin a ni.
Federal Council Sitting house leader MZP president H Lalthianghlima chuan, ram leh hnam tana thil tha turah chuan dotu awm mah se, huaisen takin hma an la tur a ni tih a sawi a. Fim taka ngaihtuahna seng a, midang leh pawnlam mite fuihpawrh leh hmanruaa tang lo turin a chah bawk.
Tunhnaiah Mizoram bela raltlante ngaihtheih lohna a lian hle tih sawiin, thu diklo leh belhchian dawllo hmanga raltlante beihna chu finfiah hmasa zel turin mitin a ngen tih MZP president hian a sawi a ni.
Zirtirtu aikal la lakah sawrkarin action a lak theihnan hmalak rel
