Kar kaltaa Uttar Pradesh-a school pakhat zirtirtuin Muslim zirlai pakhat a classmate-te beng tura a tihna chu thuneitutena an chhui chian laiin khar rih tura tih a ni a. Education Department chuan school enkawltute chu hriattirna a pe zui nghal a ni.
He school-a zirlaite chu a bul hnai school-ah kaltir an ni phawt ang tiin Education Department official te chuan an sawi a, hei hi zirlai ten an zirlai lama bahlahna an neih loh nana tih a ni.
Puhmawh ber zirtirtu Tripta Tyagi, Muzzafarnagar a Neha Public School Principal ni bawk chuan kum 7 leka upa Muslim zirlai mipa naupang chu zirlai dangte beng tura a tih lai video theh darh vak a ni a. Zirtirtu thuawihin a zirlai puite chuan he Muslim mipa naupang tap pur tawh chu an beng zui a. Video-ah hian zirtirtu ber chuan zirlai dangte chu na taka beng tura a tur lai pawh a lang a ni.
“Naupang nu leh pate hnen atangin zirlaite laka khauh tura tih ka ni a Pianphunga rualban lo kan nih avangin zirlaite zawk chu hmang tangkaiin a homework a ngaih pawimawh theih nan ka bentir a ni,” tiin zirtirtu Tripta Tyagi chuan a sawi a.
Muslim naupang pa chuan, “Ka fapa hi kum 7 a ni a. August 24-a thil thleng kha niin zirtirtu ber chuan zirlaite chu ka fa a bentir nawn awn awn a ni. Ka fapa chu darkar hnih chhung an sawi sa a, a hlau em em a ni,” tiin a sawi.
He video hian India ram pumah sawiselna nasa tak siamin politicians te pawhin na takin an dem thu an tlangaupui hlawm a.
Muslim naupang pa chuan school khin a tum loh thu sawiin mahse a fa chu an school-ah a kalzui tir tawh loh thu a sawi a. UP Deputy Chief Minister Brijesh Pathak chuan, “Kan hrefiah tawha hremna lekkawh a ni ang,” tiin a sawi.
Zirtirtu-in zirlai a zirlaipuite a bentir
