ZPM a sawrkar chuan sum hmuh leh
hman langtlang taka kalpui a ni ang
– B Lalchhanzova
AMC ah ZPM a sawrkar a nih chuan mipui thlim zawng niloin, sum leh leh hman langtlang taka kalpui a ni dawn tih ZPM Media Committee chairman B Lalchhanzova chuan a sawi.
Nilainia ZPM |halai Hqrs buatsaih Aizawl Municipal Corporation inthlan atana street campaign neihah B Lalchhanzova chuan, AMC chu mipui phurrit thlentu tur niloin khawpui nuam, him leh eizawn awlsamna, dan lalna hmun a ni tur a ni a, rethei ber pawhin an chanvo an chan theihna a ni tur a ni tih a sawi.
AMC chu duhsak zawngte contract pekna ang tiat velah sawrkar hmasaten an suih te zo vek, tiin, Aizawl khawpuia chengten inpawhtlang taka ro an relhona tur a ni tih a sawi. “Hun hmasa lamah AMC sum hmuh leh hman dan a langtlang tawk lo hle a, ZPM corporator-te chuan an sum hmuh angte an hmangtha in a langtlang hlawm hle. ZPM khawpui sawrkar a ding a nih chuan, sum hmuh leh hman langtlang taka kalpui tur a ni a, mipui thlim zawngin emaw mipui biruksan ang chiin hma lak a ni lo ang. Dan ang takin Ward Committee kaltlanga hnathawh zel a ni anga, khawpui fai leh mawi din tura theihtawp chhuah a ni anga, building chhawng tinin pass a neih theihnan theihtawp chhuah a ni ang,” a ti.
ZPM hruaitu dang TBC Lalvenchhunga, MLA pawhin an bial chhungah development tam tak an thawk tawh a, ‘compensation hnam’ min ti thintute khan thlirpui se an duh hle tih a sawi. “Bial chhungah kawng thar tam tak kan siam a, mimal ram tam tak lak a ni a, mahse compensation min phut lo, phal takin mipui tan an ram an pe. Development thlenna ngai loh vengah, metal road la thlenna ngai loh vengah, kawng khu leh nal em em thin vengah metal road leh concrete pavement in hma kan la a, hengah hian thawhpui tur corporator kan mamawh a, Ward mipui hian kan thawhpui tur ZPM corporator min pe turin ka sawm a ni,” a ti.
ZPM a sawrkar chuan sum hmuh leh hman langtlang taka kalpui a ni ang – B Lalchhanzova
