Chakma Autonomous District Council-ah ZPM-in sawrkarna siam thei anga larsap hnena an thlen laiin sawrkarna siam thei khawp member an nei lo tih BJP MDC-te chuan an sawi.
CADC-a BJP MDC Molin Chakma chuan, party mala member ngah ber, tia member 10 nei ZPM-in larsap hnena sawrkarna an siam theih thu an thlen ngawt chu CADC CCB Rule-ah chiang takin a inziak a, member 20 awmna CADC-a sawrkarna siam turin member 11 neih tlin a ngai a, member dang 1 tel lo chuan sawrkarna siam theih a ni lo tih a sawi.
BJP MDC-te chuan an inlungrual tha tih an sawi a. CADC hmalam hun zel atan BJP kaihhruai sawrkar chauh chu hmasawnna tak tak thlen theitu a ni, tiin, sawrkarna siam thei ngei turin theihtawp an chhuah mek zel tih an sawi a ni.
ZPM-in sawrkarna siam thei lo – BJP MDC
