ZPM-in street campaign nei

Inrinni khan Aizawl South I huamchhung Bethlehem Vengthlangah ZPM party chuan street campaign an nei.
Thusawitu Aizawl South-I bialtu MLA C Lalsawivunga chuan ram rorelnaah Pathian ram thleng se, kan politics khelhnaah Isua dah lal ber ila, Isua Krista duhzawngin ram tan ke pen ang u, tiin a sawm.
ZPM Political Affairs Committee member K Laltluangkima chuan tun dinhmunah Mizote chu than dan dik loin kan thang tih a sawi a. Vantlang hman theih kawngpui, health care system, tui dinhmun, electricity leh education ah kan than dan a letling tih a sawi. State hlim ber kan nih laiin, thawhchhuah nei tlem, leiba ngah, HIV vei leh cancer tamna, corruption hluarna, ruihhlo hman khawloh hluar, thalai hna thawk lo tam em emna kan ni, tiin, “Tunhmaa hnam intodelh, tumah hlau ngai lo Mizote kan ni a, ram hruaitu tha vision hmantlak nei kan mamawh a, hruaitu tha hruaina hnuaia awm hi he ram hian a phu ve tawh a ni,” a ti.