ZPM sawrkarin term a hman zawh chuan kan chhe viau ang – Congress president

ZPM sawrkarin term a hman
zawh chuan kan chhe viau ang
– Congress president
ZPM sawrkarin sum a puk huai dan thlirin an term an hman zawh hunah chuan kan chhiat viau hman a rinawm tih Congress president Lal Thanzara chuan a sawi.
Thawhtannia Congress party local council member-te nen an inkawmnaah MPCC president chuan, kan ram siamtha tur chuan politics leh kohhran tanrual a ngai a, village council level leh local council level-ah chhungkaw tha kan din phawt a ngai tih a sawi. “Kan ram hi chhan tlak a la awm a, mah se, ZPM sawrkar hian term an hman zawh chuan kan chhe viau ang. Sum an puk pawp pawp dan kan hre vek a, engvangin nge an puk an puk a ngaih? Central-a a chabi kawltute khu he sawrkar chungah hian an lawm viau lo a nih ka ring tlat. Chuti ni lo se chuan sum an puk an puk ngai lo hian an rawn enkawl theih ka ring,” a ti.
ZPM tana lai em em chu, BJP zawmpui pangngai awm anga an inlan rual rualin Mizo kohhranmiten an thinhrik ang tih an hlau bawk si nia sawiin, “He sawrkar hi a thutiamah a ding dawn em, ding thei dihnhmunah pawh hian a ding dawn em, tih hi ngaihtuah tham tak a ni. Sawhthing lei an tum tan a, thingtlang kutthnathawktute beiseina tihlawhtlingin leisak thei hram se tih hi Congress party duhdan a ni,” Lal Thanzara hian a ti.
Pathianin kohhran leh politics chu a rawngbawlna atan, ram siamthatna atana min pek a ni, tiin, village council tha, local council tha kan neih loh chuan ram tha a neih theih tak tak loh a. An pawimawhna a sang em em tih a sawi bawk.