2024 CMA Awards-ah Post Malone, Shaboozey & Chris Stapleton
58th annual CMA Awards show-a perform tur an puan zingah Post Malone, Saboozey leh Chris Stapleton an tel a, anni bakah ian Thomas Rett leh Teddy Swims leh Dierks Bentley leh a thiante pawh an perform-ho dawn a, Dierks & co. hi Tom Petty puala perform tur an ni.
CMA Awards hi November ni 20 a sem tur niin Post Malone leh Chris te hi vawi hnih ve ve an perform dawn a, Post Malone hian a album ‘F-1 Trillion’ hla ‘Yours’ a perform dawn tih a chiang tawh a, Chris Stapleton hian ;What Am I Gonna Do’ tih la a album ‘Higher’ ami a perform ve thung ang a, an pahnih hian ‘F-1 Trillion’ album-a hla ‘California Sober’ an sa dun bawk ang.
Shaboozey hi CMA Awards nomination-a a lan vawi khatna leh CMA stage-a a perform vawi khatna tur a ni a, ani hian a hla hit ‘A Bar Song (Tipsy)’ a perform dawn a, hei bakah hian a hla thar ‘Highway’ a perform bawk ang.
Thomas Rhett leh Teddy Swims te hi an vawi khat perform dunna tur niin, Rhett hla hit ‘Smoethin’ ‘Bout a Woman’ leh Swims hla hit ‘Lose Control’ an sa dun ang. Dierks Bentley hi Molly Tuttle, Sierra Hull leh Bronwyn Keith-Hynes ten an tawiawm dawn a, 1976-a Tom Petty hla hit ‘American Girl’ an saho dawn a ni.
Kumin CMA Awards show hi Luke Bryan,Lainey Wilson leh Peyton Manning ten an host-ho dawn a, anni pathum hi an perform nghal theuh dawn bawk. Ashley McBryde pawh a perform dawn a, a hla sak tur erawh an la puang lo. Tuna perform tur an puan bak hi an la puan belh leh dawn a ni.
Country music tana zan ropui an tih thin CMA Awards hi Bridgestone Arena, Nashville-ah an sem dawn e.
2024 CMA Awards-ah Post Malone, Shaboozey & Chris Stapleton
Get real time updates directly on you device, subscribe now.
Next Post