2026 World Cup khelh duh Messi
2026 World Cup khelh duh Messi
Ningani khan Argentina national coach Lionel Scaloni chuan 2026 World Cup title an lak theihna chhan bulpui Lionel Messi chuan 2026 World Cup pawh ram tana la khelh a la duh a, he tournament khel turin thutlukna a siam tih official-a puang tur erawh chuan a la hma deuh niin a sawi!
Argentina great Messi hi tunah kum 37 mi ni tawhin, 2026 World Cup-ah hian upat belh hlek ngei dawn bawk mah se tuna a chimchin en chuan nakkum Fifa tournament-ah hian a inlan a nih chuan player hmuhnawm berte zinga mi la ni ngei tura ngaih a ni a, Qatar ram 2022 WC-a Argentina champion-puitu coach Scaloni pawhin World Cup-a la hruai leh chu a chak hle tura ngaih a ni a, tun dinhmunah record siama Ballon d’Or award vawiriat dawng tling awmchhun Argentina legend chuan national squad-a la awm zui zel a duh tih coach hian a sawilang tel.
DSPORTS hnenah Scaloni chuan, “Ka han sawi hmasak ber duh chu amah leh a team-mate zawng zawngin World Cup khel leh se tih hi an duh vek a, hun erawh a la fan deuh a, thil kal zel dan kan thlithlai reng dawn a ni.
“Messi ngei pawhin kan duhdan leh ngaihtuahte chu a hre vek a, kan zinga fing ber lawt lak a ni.”
Scaloni hian nikuma a tum hnihna atana Copa America trophy a lakpui hnua international football chawlhsan zui ta Argentina forward hlui Angel Di Maria chawlh chungchang tarlang tel bawkin, ram tana a sulhnu hnutchhiah a fak.