Thih hlauhawmah Van der Sar a ding lo

Manchester United leh Netherlands goalkeeper hlui Edwin van der Sar chu chawlh a hmanna Croatia ramah thluaka thisen put avangin a tlu a, a zinna ram damdawi in ICU-a enkawl mek niin, a dinhmun a ngialnghet a, thih hlauhawmah a ding tawh lo tih a nupui Annemarie van Kes-teren chuan a sawi.
Tarlan tawh angin, karliamta Zirtawpni khan Ajax goalkeeper hlui hi Croatia ramah nikhaw hre loin a tlu thut a, a nupui chuan intensive care unit-ah la awm zui zel mah se a dinhmun a nghet \ha a, an tlawh apiangin biakin awmzia a nei tih sawi chungin, “A hmasawnna thlir turin dawh-thei taka kan nghah erawh a la ngai a, kal mai thei dinhmunah a ding tawh lo e,” a ti.
Netherlands international hlui hian ram tan match 130 khel tlingin, kumin May thla mai khan a khelh \hinnna club pakhat Ajax-a chief executive a nihna a bansan a; he hna a chawlhsan chhan hi Dutch league-a a club enkawl pathumna an nih phak chauh avang leh kum 2009 hnu lama a vawikhatna’na Uefa Champions League an khelh phak loh vang kha a ni.
Van der Sar hian kum 2011-a United a chhuahsan rual khan professional football chawlh-sanin, a kumlehah Ajax board a zawm a, kum 2016 khan he club chief executive hna a chelh zui.
A vanglaia goal-veng \ha berte zinga tel pha Van der Sar hian Red Devis tan khan game 266 khel tlingin, Premier League club chu Premier League title pali leh 2008 Champions League trophy a lakpui hman.